PIÒ IN LÀ DE' MAÈL - OLTRE IL DOLORE - Parte Dodicesima

Dmandi doluròusi al fruleva 't al nòsti
tèsti,

u j avòiva da ès una rasòun par tot ste maèl,

u n'è vneu da par sé,

u j è staè dla zenta chi l'à vleu,

chi l'à pansaè e mes in ovra.

U n'era  zenta cmè nòun?

Da che mònd ch'j avnoiva?

I n'avòiva ènca lòu fameja e fiul?

Mo cmè che pò un òm

capaè 'd dvantaè pez de' pez d'j
animeli?

A ste peunt e' pansir e va par su
còunt

e ta t'atach ma dmandi che par tè
al na sens:

Cmal fat e' signòur a faè dla zenta acsè?

E se l'òm, u l'à fat leu, alòura u s'è
sbajè!

Mo...pu...e' signòur... leu duò ch'l'era

quant ch'i bruseva i curp di burdel,

di su geniteur, di su non,

e e' feun l'andeva sò da i camòin di feuran,

sò, sò, d'in aèlt, d'in aèlt?

Cmal fat a a respiré che feun

senza infaèsni 'd gnent?

Dmandi par gnent, u ni pò ès arspòsta.

Domande dolorose abitavano le nostre
teste,

ci doveva essere una ragione per questo male,

non si è generato da solo,

c'è stata gente che l'ha perseguito,

che l'ha pensato e messo in atto.

Non erano nostri simili?

Da quale pianeta provenivano?

Non avevano anche loro famiglia e figli?

Ma come può un essere umano

scegliere di essere la più orribile delle
belve?

A questo punto il pensiero sfugge al
controllo

e ti aggrappi a domande
vane per te:

come ha potuto Iddio creare esseri simili?

E se l'uomo è opera sua, allora si è
sbagliato!

Ma... poi...Dio..., lui dov'era

quando bruciavano i corpi dei bambini,

dei loro genitori, dei loro nonni,

e il fumo saliva dai camini dei forni,

su, su, in alto, in alto?

Come ha potuto respirare quel fumo

senza accorgersi di niente?

Domande inutili, non c'è risposta.