Un dobi
E adès cma la mitemi sa sta cvis-ciòun
che cmè ch’la zirem un si trova suluziòun?
Ciapema ona ‘d cal magnedi specieli,
‘d cvèli in duvò ch’us magna in cvantità industrieli:
sì-sèt antipast, dò-trè minèstri, lès, aròst, friteura,...
che dòp un po’ la zengia la t toira e ta t chin s-cioi la zinteura.
Basta, t’an gn’e la fé piò
e t chin smet parchè propi l’an va zò.
E tè t’al sé che j avenz l’è tota ròba ch’la va buteda vì,
e irsòira ma la televisiòun i t’à fat avdòi una gran mocia ‘d sgrazjì,
chi por burdlòin ch’i n’avòiva gnent da magné e in steva dret da la dibulèza,
e tè t bot vì tot cla graèzia de’ signòur 't e’ bidòun dla mundèza.
E alòura? O ta t tin i tu turmoint par ste pcaè
e t’an durum la nòta par staèi a pansaè,
o ta t magn tot incvèl da gran sgulmé,
ch’ut vòunta e’ culesterul e s’una bota da sèch t’é finoi ‘d bazilé.
Insòma, tra e’ muroi ‘d boilia o d’un s-ciupòun,
a l savòi sèl ch’a faz mè? A smort la televisiòun!
Un dubbio
E adesso come la mettiamo con questa questione
che come la giriamo non si trova soluzione?
Prendiamo una di quelle mangiate speciali
dove si mangia in quantità industriali:
sei-sette antipasti, due-tre minestre, lesso, arrosto, frittura,…
che dopo un po’ la cinghia ti tira e ti devi sciogliere la cintura.
Basta, non ce la fai più
e devi smettere perché proprio non va giù.
E tu lo sai che l' avanzo è tutta roba che va buttata,
e ieri sera in televisione ti hanno fatto vedere una gran massa di gente disgraziata,
poveri bambini che non avevano il mangiare e non stavano in piedi dalla debolezza,
e tu getti via tutta quella grazia del signore nel bidone della mondezza.
E allora? O ti tieni i tuoi tormenti per questo peccato
e non dormi la notte per stare a pensare al reato,
o ti mangi ogni cosa fino a finire,
che ti sale il colesterolo e con una botta secca ha finito di patire.
Insomma, tra il morire d’angoscia o d’un colpo al cuore,
lo sapete cosa faccio io? Spengo il televisore!
Ultimi Commenti