U na nòta sgumbieda
L'è mezanòta, u s'è fat òura d'andaès a lèt,
la mòi la j è vì da stamatòina e l'an s'è vesta piò, mo la ne fa par dispèt,
ròbi nurmaèli par lì, la j avrà cal riugnòun ch'an fines mai,
ma stal ròbi ai sò vèz, dal volti la j à fat ènca piò taèrd e senza guai.
Òsta però, l'è pas un'ènt òura e gnent, mè am met a faè un sunlòin,
e po ès ch'la sipa ferma 't un bar sa cvaicadeun a bòi un biciaròin.
Am svegg par caès ch'l'è al dò, am zoir d' e' su caènt, mo li l'an gn'è,
sé, l'è òura 'd faèi na ciamaèda me' telefunin par capoi duvò ch'l'la j è.
“L'utente da lei selezionato non è al momento raggiungibile!”.
Òs-cia, cvèsta mo la ni vlòiva, bèl lavòur, spitema pu un ènt po'.
Dis mineud dòp a prov darnov, mo la vergna l'è sempra cvèla, boh!
La gnola cmè pròima: “L'utente” u n'arspond, dò caz ch'la s'è maseda?
A ni sem, a cmòinz a pansaè maèl, intaènt mèi ch'a vaga a faè 'na piseda!
Adès l'è al trè e 't e' lèt a sò da par mè, ragiunema:
al ròbi cal po' ès suzèsti agl'j è dò: una bona e clèlta na, mah, sperema!
La bona: la j à un murusaz e la j è ciapaèda vi sa leu e sa l'òs-cia sèl ch'j è dri a faè,
però la me putòiva doi, dastòura am s'era rasigné e avòiva smes 'd strulgaè.
Cvèla na: la j è andaèda zò 't un fòs o a sbat 't un camio int 'na curvaza!
Un saria la pròima volta, cio, a na faè savòi gnent e vo doi ch'l'è propi 'na rubaza.
E mè adès sa j ò i da faé? Am met a ciamaè j ospedel da Catòlga a Bulogna,
o ch'am met a telefunaè ma tot al casermi di carabinir dla Rumagna?
Boh, mè a degh che s'u j è staè de' brot, dastòura i carabinir j era ma la porta,
e d'adès un s'ceud piò occ, sempra a pansaè e speraè 't la bona sorta.
Um tarmaèva e' barbèt da la paveura ch'e vnes i carabinir a sunaè me' campanèl,
e acsè. tot la nòta svegg a pansaè s'l'era mèi al corni o un inzident murtaèl.
E u s'è fat dè, agl'j òt am sò fat curagg e ò telefunaè ma la su segreterì,
sé, a feva la figheura de' pataca, mo cio, u n'è ch'a putes invantaèm 'na busì.
“Senti, prima di stanotte ero il marito della sindaca, tu sai dirmi ora lei dov'è?”.
“Come? È ad Arezzo ad un convegno di Sindaci, ma perché lo chiedi a me?”.
Mo pòrca putaèna, cvèsta l'è la volta ch'a ciap vì mè, e basta, am sò stof,
an pòs pasaè al nòti a tnì bòta e' cor che s'e' pepacheul e bat cmè un stantof.
Mo che tegna ch'u m'era ciap, ah sé, cvèsta l'è l'eutma, la storia la fines a cvè!
E invezi de' temp u n'è pas un bèl po' e mè gnenca d'un pas am sò mos da lè!
Una notte sgangherata
Mezzanotte, s'è fatta ora d'andarsi a letto,
la moglie e via da stamane e non s'è più vista, ma non lo fa per dispetto,
è normale per lei, avrà avuto una di quelle riunioni che non finiscono mai,
a ste cose sono abituato, a volte ha fatto anche più tardi e non ci sono stati guai.
Orca però, è trascorso un'ora e niente, io mi metto a schiacciare un sonnellino,
forse si sarà fermata in un bar con qualcuno a bere un bicchierino.
Per caso mi desto, sono le due, mi giro dalla sua parte, ma lei non c'è.
Sì, è tempo di farle una chiamata al cellulare per sapere dov'è.
“L'utente da lei selezionato non è al momento raggiungibile!”.
Ostia, questa non ci voleva, bel lavoro, aspettiamo un altro po'.
Dieci minuti e riprovo, ma la voce è sempre la stessa, boh!
La solita nenia: l'utente non risponde, dove diavolo s'è cacciata?
Non ci siamo, comincio a pensare male, intanto vado a fare una pisciata.
Ora sono le tre e nel lettone sono solo, ragioniamo:
le cose accadute possono essere due: una buona e l'altra no, mah, speriamo!
La buona: ha l'amante e se n'è andata con lui e chissà cosa sono intenti ora a fare,
però, me lo poteva dire, a quest'ora mi sarei rassegnato e avrei smesso di tribolare.
La cattiva: è finita in un fosso o a sbattere contro un camion in una curvaccia!
Non sarebbe la prima volta, a non far sapere nulla significa che è proprio robaccia.
Ed io adesso cosa devo fare? Chiamo tutti gli ospedali da Cattolica a Bologna
o mi metto a telefonare a tutte le caserme dei carabinieri della Romagna?
Boh, penso però che se ci fosse del brutto, a quest'ora i carabinieri erano alle porte,
d'ora in poi non si chiude più occhio, sempre a pensare e sperare nella buona sorte.
Mi tremava il mento dal timore che venissero i carabinieri a suonare al campanello,
così, tutta la notte resto a valutare se erano meglio le corna o un orribile macello.
E s'è fatto giorno, alle otto mi sono fatto coraggio e ho telefonato alla sua segreteria,
sì, facevo la figura del coglione, ma non è che potessi inventarmi una bugia.
“Senti, prima di stanotte ero il marito della sindaca, tu sai dirmi ora lei dov'è?”.
“Come? È ad Arezzo ad un convegno di Sindaci, ma perché lo chiedi a me?”.
Ma porca puttana, questa è la volta che me ne vado io, basta, ne ho a uffa,
non posso passare le notti a sentire il cuore che per paura batte come uno stantuffo.
Ma che rabbia che m'era preso, ah sì, questa è l'ultima, la storia finisce qui!
Invece del tempo ne è scorso un bel po' ed io neanche d'un passo mi son mosso da lì.
